57 වන සේනාංකයෙන් මෙහෙයුම් දැඩි කරයි, කොටින්ට බරපතල හානි
තම ඉදිරි ආරක්ෂක වළලු පුළුල් කරමින් ඉදිරියට ගමන් කරන යුද හමුදාවේ 57 වන සේනාංකයේ භට පිරිස් සහ එල්.ටී.ටි.ඊ. ත්‍රස්තවාදීන් අතර රාමනාදපුරම් සහ ධර්මපුරම් ප්‍රදේශ වලදී දරුණු ගැටුම් හට ගත් බව ආරක්ෂක ආරංචි මාර්ග සඳහන් කරයි. ඊයේ (ජන 20) දහවල් කාලයේ දී මෙම ගැටුම් හට ගෙන ඇත.
ධර්මපුරම් ප්‍රදේශයේ දී භට පිරිස් සහ ත්‍රස්තවාදීන් අතර ඇති වූ ගැටුම්ක දී ත්‍රස්තවාදීන්ට බරපතල හානි සිදු වී ඇතැයි වාර්තා වේ. ගැටුමින් පසුව ප්‍රදේශයේ සිදු කළ සෝදිසි මෙහෙයුමකදී මිය ගිය ත්‍රස්තවාදියෙකුගේ මළ සිරුරක් සහ ටී 56 ගිනි අවියක් සොයා ගැනීමට හැකි වී තිබේ. යුද හමුදාවට ද මෙම ගැටුමේ දී සුළු තුවාල සිදු වී ඇත.
තවද පුතුකුඩිඉරුප්පු නැගෙනහිර ප්‍රදේශයේ දී සහ මුල්ලියාවේලි සිට ඊසාන දෙසින් වූ ප්‍රදේශයේ දී දෙපාර්ශවය අතර අවස්ථා ගණනාවකදීම ගැටුම් හට ගෙන තිබේ. මේ අතර පුතුකුඩිඉරුප්පු ප්‍රදේශයේ සිදු කළ සෝදිසි මෙහෙයුමකදී මිය ගිය ත්‍රස්තවාදියෙකුගේ මළ සිරුරක් සහ යුද උපකරණ රැසක් සොයා ගැනීමට හැකි වූ බව ආරක්ෂක වාර්තා සඳහන් කරයි.
